Հայաստանում կա շուրջ 925 տեղական ինքնակառավարման մարմին: Յուրաքանչյուր բնակավայրին ընկնում է մեկ տեղական ինքնակառավարմաան մարմին: Համայնքները, որոնց սպասարկում են տեղական ինքնակառավարման մարմինները, չափազանց տարբերվում են բնակչությամբ, մեծությամբ, ռեսուրսներով եւ սոցիալ-տնտեսական պայմաններով: Ծառայություններ մատուցելը կամ նվազագույն սոցիալ-տնտեսական հիմնախնդիրներ լուծելը շատ ավելի բարդ է սուղ ռեսուրսներ ունեցող փոքր համայնքներում: Յուրաքանչյուր երեք տարին մեկ անգամ անցկացվող տեղակաան ինքնակառավարման մարմինների ընտրություններից հետո անձնակազմի փոփոխությունը կարող է ազդել տեղական կառավարման արդյունավետության վրա:
Սկսած 2002 թ-ից` Եվրասիա համագործակցություն հիմնադրամը ֆինանսավորել է ծրագրեր` համայնքապետարանները միմյանց կապելու նպատակով ցանցեր ստեղծելու համար: Համայքնապետարանի եւ համայնքի բնակիչների միջեւ տեղեկատվոթյան հոսքն ապահովելու միջոցով այդ ցանցերը ներկայումս բարելավում են համայնքապետարանների գործունեության թափանցիկությունը: Դրանք համայնքապետարանների աշխատակիցների կարողությունները զարգացնելու եւ ծառայությունները համատեղ մատուցելու հնարավորություններ են ընձեռում:
2002 թ. Եվրասիա համագործակցություն հիմնադրամը Հայաստանում ստեղծեց ցանց, որը միավորում է 10 համայնքապետարաններում գործող տեղեկատվական-վերլուծական կենտրոնները: Բոլոր կենտրոններն աջակցում են համայնքապետարանների աշխատանքների արդյունավետությանը` բնակիչներին տրամադրելով տեղեկություններ համայնքապետարանների գործունեության, ծառայությունների և ծախսերի վերաբերյալ: Հիմնադրամի աջակցությամբ “Տեղեկատվական համակարգերի զարգացման և ուսուցման կենտրոնը” 10 համայնքներում ստեղծել ու տեղադրել է հատուկ համակարգչային ծրագիր, որը հնարավորություն է տալիս իրականացնել համայնքապետարանների փաստաթղթավորման աշխատանքները: Կենտրոնը նաև մշակել է օնլայն համակարգ, որի միջոցով համայնքապետարանները հաղորդակցվում են համայնքի բնակիչների հետ: Համակարգը քաղաքացիներին հնարավորություն է ընձեռում հասու լինել բյուջեների ու ծրագրերի վերաբերյալ տեղեկատվությանը, ստանալ տեղական ինքնակառավարման գործունեության վերաբերյալ իրենց հուզող հարցերի պատասխանները և տեղական ինքնակառավարման մարմինների ուշադրությունը բևեռել համայնքին վերաբերող հիմնախնդիրների վրա:
2005 թ. Եվրասիա համագործակցություն հիմնադրամն աջակցել է ընդհանուր առմամբ 84 համայնքապետարաններին` ստեղծելով 10 միջհամայնքային ցանց: Յուրաքանչյուր ցանց ավելի մեծ համայնքներին կապում է սուղ միջոցներ ունեցող ավելի փոքր համայնքների հետ: Այդ ցանցերի միջոցով համայնքապետարանները կարող են տեղեկություններ փոխանակել, համատեղ ուժերով կառավարել միջոցները և լուծել համայնքային հիմնախնդիրներ: Ցանցերի ստեղծումից հետո հիմնադրամն անցկացրեց ցանցերի անդամներին զարգացնելու ուղղությամբ կարիքների գնահատում, որի արդյունքում պարզվեց, որ համայնքապետարանների աշխատակիցները ֆինանսական կառավարման և “Տեղական ինքնակառավարման մասին” ՀՀ օրենքի վերաբերյալ ավելի շատ տեղեկություններ ստանալու կարիք ունեն: Այնուհետև, հիմնադրամը վերոնշյալ երկու թեմաների շուրջ կազմակերպեց ուսուցանողների վերապատրաստման դասընթացների շարք: Այն համայնքապետարանների աշխատակիցները, ովքեր մասնակցեցին այդ դասընթացներին, հետագայում խորհրդատուների օգնությամբ ուսուցանեցին նաեւ տեղական ինքնակառավարման մարմինների այլ աշխատակիցներին: Եվրասիա համագործակցություն հիմնադրամի համոզմամբ` միջհամայնքային ցանցերի կարողությունները զարգացնելու միջոցով հնարավոր կլինի զարգացնել ընդհանուր տեղական կառավարման համակարգը:
Տեղական կառավարման համակարգը զարգացնելու նպատակով Եվրասիա համագործակցություն հիմնադրամը շարունակելու է աշխատել իր գործընկերների հետ, մասնավորապես հետևյալ ուղղություններով`
Տեղական կառավարում (79.46 KBytes)
11 Մայիս 2012
Հայաստանից և Թուրքիայից տասը երիտասարդ ռեժիսորներ մասնակցեցին Հայաստան-Թուրքիա կինոպլատֆորմի սեմինարին, որն անցկացվեց 2012 թ-ի ապրիլի 12-13-ը Ստամբուլում` Ստամբուլի 31-րդ միջազգային կինոփառատոնի շրջանակներում: Մասնակից հինգ ֆիլմերի նախագծերը ներկայացված 35 հայտերից մանրակրկտորեն ընտրվել էին Հայաստան-Թուրքիա կինոպլատֆորմի ընտրական հանձնաժողովի կողմից:
4 Մայիս 2012
Եվրասիա համագործակցություն հիմնադրամը (ԵՀՀ) հայտարարում է «Կրոնական հանդուրժողականություն» խորագրով վավերագրական ֆիլմերի արտադրության մրցույթ: Մրցույթի մասնակցության համար անհրաժեշտ փաստաթղթերի, ընտրության չափանիշների և մրցույթի մանրամասներին ծանոթացեք այստեղ։
4 Մայիս 2012
Ներկայում ՀՌԿԿ-Հայաստան գրասենյակում կա Գրասենյակի կառավարչի թափուր աշխատատեղ:
Հեղինակային իրավունք. Եվրասիա համագործակցություն 2007 Last updated: 11 Մայիս 2012
Սույն վեբ կայքը ստեղծվել է Ամերիկայի ժողովրդի նվիրատվության շնորհիվ, ԱՄՆ Միջազգային զարգացման գործակալության (USAID) աջակցությամբ, որի բովանդակության համար պատասխանատու է Եվրասիա համագործակցություն հիմնադրամը: Այստեղ արտահայտված տեսակետները պարտադիր չէ, որ համընկնեն ԱՄՆ Միջազգային զարգացման գործակալության կամ ԱՄՆ կառավարության տեսակետներին:
