Եվրասիա համագործակցություն հիմնադրամը-(ԵՀՀ) «Լրատվության այլընտրանքային ռեսուրսներ» ծրագրի շրջանակներում հայտարարում է դրամաշնորհային ծրագրերի ամենամյա բաց մրցույթ` «Նոր բովանդակություն և նոր տեխնոլոգիաներ» թեմայով:
«Լրատվության այլընտրանքային ռեսուրսներ» ծրագրի նպատակն է Հայաստանում առավել հասանելի դարձնել անկողմնակալ և բազմակարծիք լրատվությունը` ավանդական և այլընտրանքային միջոցներով, ժամանակակից տեխնոլոգիաների կիրառմամբ։ Ծրագիրը համատեղ իրականացնում են «Ինտերնյուս Նեթուորք»-ը (ԱՄՆ), Եվրասիա համագործակցություն հիմնադրամը, Երևանի մամուլի ակումբը և մամուլի աջակցության «Ինտերնյուս» ՀԿ-ն։ Ծրագիրը հնարավոր է դարձել ամերիկյան ժողովրդի նվիրատվության շնորհիվ` ԱՄՆ Միջազգային զարգացման գործակալության (ԱՄՆ ՄԶԳ - USAID) աջակցությամբ:
Մրցույթի նպատակը
Մրցույթի նպատակն է խրախուսել նորարարական նյութերի պատրաստումը` նորագույն տեխնոլոգիաների կիրառմամբ և տարածման նոր ձևերի օգտագործմամբ:
Պատրաստված նյութերը պետք է անդրադառնան սոցիալական, քաղաքական, տնտեսական և մշակութային կարևորագույն զարգացումներին:
Խրախուսվում են ստեղծագործական մոտեցումները: Առավելությունը կտրվի այն առաջարկներին, որոնք իրականացվելու են նոր և բազմազան տեխնոլոգիաների կիրառմամբ:
Մրցույթն իրականացվելու է հետևյալ երկու զուգահեռ ուղղություններով.
Ով կարող է դիմել
Դրամաշնորհային մրցույթին կարող են մասնակցել ԶԼՄ-ներ, հասարակական կազմակերպություններ, անհատներ կամ խմբեր:
Հայտի պահանջվող ձևաչափը
Հայտը պետք է բաղկացած լինի կից ներկայացված բյուջերի օրինակի, տրամաբանական մոդելի և ծրագրային առաջարկի մեկ տպագիր և մեկ էլեկտրոնային օրինակից (հայերեն կամ անգլերեն): Ծրագրային հայտի բուն տեքստը (առանց հավելվածների) չպետք է գերազանցի 5 էջը` 12 pt Arial տառատեսակով:
Տպագիր օրինակը պետք է հաստատված և կնքված/ստորագրված լինի կազմակերպության գործադիր տնօրենի/դիմորդի կողմից: Էլեկտրոնային օրինակն ուղարկել info-epf@epfound.am հասցեին` գլխագրում նշելով թեմայի անվանումը: Օրինակ` «քաղաքացիական լրագրություն» թեմայով հայտ ներկայացնող դիմորդը պետք է էլեկտրոնային նամակի գլխագրում (subject line), ինչպես նաև բուն հայտի վերնագրում նշի «ARM Grant Competition: citizen journalism»: Հայտի ձևը, տրամաբանական մոդելը և բյուջեի օրինակը կցվում են այս հայտարարությանը: Կորպորատիվ դիմորդները պետք է լրացնեն նաև դրամաշնորհների կառավարման կից հարցաթերթը (GMQ form):
Համաֆինանսավորման պահանջ
Հայտատու կազմակերպությունից կամ անհատից/խմբից ակնկալվում է առնվազն 25% համաֆինանսավորում ծրագրին` դրամական միջոցների, աշխատավարձերի, եթերաժամանակի տեսքով և այլ միջոցներով: ԱՄՆ կառավարությունից ստացված այլ դրամաշնորհներ կամ միջոցները չեն դիտարկվի իբրև համաֆինանսավորում:
Դրամաշնորհի տևողությունը և բյուջեն
Դրամաշնորհային ծրագրերի տևողությունը 6-12 ամիս է: Մեկ դրամաշնորհի սահմաններում տրամադրվող գումարը 3.000-ից մինչև 20.000 ԱՄՆ դոլար է:
Հայտերի գնահատման չափորոշիչներ
Դիմորդներին տրվում է 5 շաբաթ` հայտերը լրացնելու և Եվրասիա համագործակցություն հիմնադրամ ներկայացնելու համար: Հիմնադրամին ներկայացված հայտերը նախնական գնահատում կանցնեն ԵՀՀ ծրագրային թիմի կողմից` մրցույթին չհամապատասխանող առաջարկները բացառելու համար:
Այնուհետ հայտերը կներկայացվեն մասնագիտական հանձնաժողովին, որ կազմված է «Լրատվության այլընտրանքային ռեսուրսներ» ծրագրի ղեկավարներից, ԱՄՆ ՄԶԳ ներկայացուցչից և անկախ փորձագետներից:
Հայտերը կգնահատվեն ըստ հետևյալ չափորոշիչների.
Ա. Նախնական չափորոշիչներ.
Նշված երկու չափորոշիչը կգնահատվի երկբալանոց համակարգում` «այո» կամ «ոչ» պատասխանների միջոցով:
Նախնական ընտրությունն անցնելուց հետո հայտերը կդիտարկվեն ըստ հետևյալ հիմնական չափորոշիչների.
Բ. Հիմնական չափորոշիչներ.
Այս չափորոշիչները կգնահատվեն 1-5 սանդղակով:
50%-ից ավելի միավորներ հավաքած հայտերը կանցնեն հաջորդ փուլ:
Գ. Հայտերի վերջնական գնահատականը կորոշվի հանձնաժողովի քվեարկության միջոցով: Քվեարկությունը կանցկացվի հետևյալ առաջնայնություններից ելնելով.
Դրամաշնորհային մրցույթում կհաղթեն այն հայտերը, որոնք հավաքել են առավելագույն միավորները «Բ» կարգի չափորոշիչներով և անցել են հանձնաժողովի քվեարկությունը` «Գ» կարգի չափորոշիչների հիման վրա:
Հայտերի ներկայացման կարգը
Դրամաշնորհային մրցույթին դիմելու համար անհրաժեշտ է լրացնել կից հայտի ձևը: Այն կարող եք ներբեռնել Հիմնադրամի կայքում կամ տպագիր օրինակը վերցնել ԵՀՀ գրասենյակից:
Հնարավոր հարցերը պարզաբանելու նպատակով ԵՀՀ ծրագրային թիմը փետրվարի 7-ին և 8-ին ԵՀՀ գրասենյակում կանցկացնի նախամրցութային սեմինարներ: Սեմինարի ընթացքում կպատասխանենք հայտերի ներկայացման կարգի ու դրամաշնորհների հետագա վարման հետ կապված հնարավոր հարցերին:
Հայտերի ներկայացման վերջնաժամկետն է 2012 թվականի փետրվարի 27-ը` ժամը 17:00-ն:
Մասնագիտական հանձնաժողովը քննության կառնի ներկայացված հայտերը: Մրցույթի վերջնական արդյունքները կհայտարարվեն 2012 թ. մարտի 16-ին: Ծրագրերը կմեկնարկեն 2012-ի ապրիլից:
Դրամաշնորհային մրցույթի ժամանակացույցը
«Նոր բովանդակություն և նոր տեխնոլոգիաներ» դրամաշնորհային ծրագրին վերաբերող հարցերով դիմել ԵՀՀ ծրագրի ղեկավարներ Մարինա Մխիթարյանին (58-60-95x205) և Ալիս Տեր-Ղևոնդյանին (58-60-95x208)՝ նշված հեռախոսահամարով կամ mmkhitaryan@epfound.am, aterghevondian@epfound.am էլ. փոստով:
«Լրատվության այլընտրանքային ռեսուրսներ» ծրագրին վերաբերող հարցերով կարելի է դիմել ծրագրի ղեկավար Մանանա Ասլամազյանին` 58-36-20 հեռախոսահամարով կամ manana@internews.tv էլ. փոստով:
Մեր հասցեն`
Երևան, Զարոբյան փ. 56, Եվրասիա համագործակցություն հիմնադրամ
Հեռախոս` 58-60-95
Կայք` http://www.epfound.am/
Ամենամյա դրամաշնորհային մրցույթի փաստեր
Նախորդ` 2011 թվականի դրամաշնորհային մրցույթի շրջանակներում ԵՀՀ-ն դրամաշնորհային աջակցություն է տրամադրել 14 ծրագրային առաջարկների: Հաջողված ծրագրերի միջոցով նոր մեդիայի տարածման նախաձեռնություններ են իրականացվել Բերդում և Արմավիրում, հանրային լրագրողի պլատֆորմներ են ստեղծվել Ա1+, Լրագիր և Հետք լրատվամիջոցներում, անհատական ցանցային նախաձեռնությունների միջոցով ստեղծվել են Բադու-ն, Դպրոցական բլոգը և Արմքոմեդիի լրաշարերը, աջակցություն են ստացել «Անհավանականության տեսություն», «Հայրենադարձ» և «Web TV» նախագծերը:
haycadimumi_patet_2.doc (132 KBytes)gmq_-arm.doc (77.5 KBytes)tramabanakan_model_1.doc (30 KBytes)
budget_template_arm (35 KBytes)
11 Մայիս 2012
Հայաստանից և Թուրքիայից տասը երիտասարդ ռեժիսորներ մասնակցեցին Հայաստան-Թուրքիա կինոպլատֆորմի սեմինարին, որն անցկացվեց 2012 թ-ի ապրիլի 12-13-ը Ստամբուլում` Ստամբուլի 31-րդ միջազգային կինոփառատոնի շրջանակներում: Մասնակից հինգ ֆիլմերի նախագծերը ներկայացված 35 հայտերից մանրակրկտորեն ընտրվել էին Հայաստան-Թուրքիա կինոպլատֆորմի ընտրական հանձնաժողովի կողմից:
4 Մայիս 2012
Եվրասիա համագործակցություն հիմնադրամը (ԵՀՀ) հայտարարում է «Կրոնական հանդուրժողականություն» խորագրով վավերագրական ֆիլմերի արտադրության մրցույթ: Մրցույթի մասնակցության համար անհրաժեշտ փաստաթղթերի, ընտրության չափանիշների և մրցույթի մանրամասներին ծանոթացեք այստեղ։
4 Մայիս 2012
Ներկայում ՀՌԿԿ-Հայաստան գրասենյակում կա Գրասենյակի կառավարչի թափուր աշխատատեղ:
Հեղինակային իրավունք. Եվրասիա համագործակցություն 2007 Last updated: 11 Մայիս 2012
Սույն վեբ կայքը ստեղծվել է Ամերիկայի ժողովրդի նվիրատվության շնորհիվ, ԱՄՆ Միջազգային զարգացման գործակալության (USAID) աջակցությամբ, որի բովանդակության համար պատասխանատու է Եվրասիա համագործակցություն հիմնադրամը: Այստեղ արտահայտված տեսակետները պարտադիր չէ, որ համընկնեն ԱՄՆ Միջազգային զարգացման գործակալության կամ ԱՄՆ կառավարության տեսակետներին:
